هەڵۆكانی زاگرۆس

 

هاونیشتمانە خۆشەویستەکان

 

  بەرانبەر بە ڕوانگەوسیاسەتی ڕژیمی تاران بۆ خاک و نیشتمانی کورد لە خۆرهەڵاتی کوردستان، دژکردەوە و پەرچەکرداری ڕۆلەکانی گەل بە کەڵک وەرگرتن لەهەرجۆرە شێوازێکی شیاو و گونجاوی بەرەنگاری، مافێکی ڕەوا و ئینسانی یە.

  مافمان و بەرپرسیارەتیمان بۆ پارێزگاری لەگەل و نیشتمان و پاڵپشتیمان بۆ بزووتنەوەی ڕزگاریخوازانەی نەتەوەکەمان، لە نێو بژاردەی لاوانی بەجەرگی واتەکەماندا ڕێکخراوی چەکدار و شکۆمەندی "هەڵۆکانی زاگرۆس" مان دامەزراند.

  بەشانازییەوە ڕادەگەیەنین کە لە دامەزرانەوە تا ئێستا، پۆلەکانی هەڵۆ، سەرکەوتوانەو بەردەوام  گەشەیانکردووە و پەرەیان سەندووە،کەئەمڕۆ پۆلی هەڵۆ پانتایی وڵاتی داگرتووە.چالاکیی هەڵۆکان لە ڕاستای داکۆکی لە ماف و ئازادیی هاونیشتمانان و یارمەتیدانی جووڵانەوەکەماندا بووە. لە ڕێکخراوی هەڵۆکانی زاگرۆسدا، وریایی،متمانە،باوەڕبەخۆیی و پلان، هۆکاری سەرکەوتنی چالاکییەکان بوون.

خەڵکی خەباتکاری کوردستان

 

  "هەڵۆکانی زاگرۆس" بەداخە لەوەی کە لەڕەوتی بزووتنەوی نەتەوەیی دێمۆکراتیکی کوردستاندا، لە نێو خەڵکی نیشتمانەکەماندا کەسانی تاوانبار دەخوڵقێن، دەبنە داردەست و چاوساغی دوژمنی داگیرکەر و هۆکاری ئێش و ئازاری نەتەوەکەمان، کە بە"سزای تاوان" دەبنە قوربانیی سیاسەتی دوژمنکارانەی کۆماری ئیسلامی لە کوردستان.

  لەم چەند ڕۆژەی دوایی دا و دوابەدوای  سزای تاوان بۆ سیخوڕێکی گوێ لەمستی سپای تیرۆر،  لەداماوی و دەستەوەستانیی دەزگا سیخوڕی و سەرکوتکەرەکانی رژیم بەرامبەر گورزی گورچک بڕی هەڵۆکانی زاگرۆس، لە وڕێنەی چەند دەمڕاستێکی سپای تیرۆرو کۆمەڵێک بنکە و سایتی گاڵتەجاڕی پێملی ئیتلاعاتەوە، دەنگۆ و هەواڵی ناڕاست و چەواشە لەمەڕ هەڵۆکانی زاگرۆسەوە بڵاو دەبنەوە، کە بەهۆی ئەم ڕاگەیەندراوەوە خەڵکی کوردستان و ئۆگرانی هەڵۆکانی زاگرۆس ئاگادار دەکەینەوە کە فڕو فیشاڵی ئەم قوڵە چۆماغانەی  ڕژیم  فڕ یان بە ڕاستییەوە نەبووەو ئەو دەنگۆیانە هیچ پێوەندییەکیان بە هەڵۆکانی زاگرۆسەوە نیە.

  بۆ دڵنیایی هاونیشتمانان و خەمخۆرانی  جووڵانەوەکەمان ڕادەگەیەنین کە لە دامەزرانی "هەڵۆکانی زاگرۆس"ەوە تا بڵاوبوونەوەی ئەم ڕاگەیەندراوە و لەسەرجەمی چالاکییەکانماندا، هەموو هەڵۆکانمان لە سەرجەمی پۆلەکانی سەراسەری وڵات، سڵامەتن و هیچ زیانێکیان لە لایەن هیچ هێزێکی دوژمنەوە بەرنەکەوتووە.

  دووپاتی دەکەینەوەکە، مەلی ئاسمانی نیشتمان و مەلەوانی دەریای گەلین ،بەرانبەر هەموو چالاکییەکانمان بەرپرسیارین و بە وریایی و چاوکراوەییەوەدەڕوانینە پیلان و دەستدرێژییەکانی حکوومەتی خۆسەپێنی تاران ، پەرچەکردارەکانمان ڕەنگدانەوەی سیاسەتی دژ بەکوردی کۆماری ئیسلامییە ."هەڵۆکانی زاگرۆس" لەتوانای دایە لەئەگەری خۆڵقانی هەرمەترسییەکی ناباو بۆسەر بزووتنەوەی ڕەوای گەل و تاکی خەباتکاری کۆمەڵگا، دژکردەوەکانی لەسەرانسەری وڵات  شیاو و پڕ بە پێستی تاوانکارییەکان دەبن. بەڵێن دەدەین و سوور و شێلگیر تا دەستەبەریی ئامانجەکانی بزووتنەوەی ڕزگاریخوازانەی کوردستان، باسکی "سزای تاوان"ین.

هەڵۆکانی زاگرۆس

١٨ی خەرمانانی١٤٠٠